التغابن

سورة (MADANIYYAH)

Kikilọ nibi nkan ti abamọ yoo sẹlẹ si ati eeru ni ọjọ igbende.

Gbogbo ohun ti o nbẹ ni gbogbo sanmọ ati ohun ti o wa ni ilẹ ninu awọn ẹda nfọ Allah mọ, o si nse afọmọ Rẹ kuro nibi awọn iroyin ẹdinku ti ko lẹtọ si I, tiRẹ nikan ni ọla, ko si ọlọla yatọ si I, Oun si ni O ni ẹyin ti o dara, O si lagbara lori gbogbo nkan, nkankan ko ko agara ba A.

Oun ni ẹniti O da yin - ẹyin eniyan - keferi wa nin yin si I, ibudari si rẹ si ni ina, olugbagbọ ododo si wa ninu yin si I, ibudarisi rẹ si ni ọgba idẹra, Allah si jẹ oluri ohun ti ẹ nse nisẹ, nkankan ko pamọ fun Un ninu awọn isẹ yin, yoo si san yin lẹsan le lori.

O da gbogbo sanmọ, O si da ilẹ pẹlu ododo, ko si da mejeeji niti ere, o si ya aworan yin - ẹyin eniyan - o si se aworan yin ni ohun ti o dara niti sise idẹkun lati ọdọ RẸ ati sise ọla, ti O ba fẹ ki ba se ni ohun ti o buru, ọdọ Rẹ nikan si ni ibusẹri si ni ọjọ igbende, yoo si san yin lori awọn isẹ yin, ti o ba jẹ rere yoo gba ẹsan rere, ti o ba jẹ aburu yoo gbẹsan aburu.

O mọ gbogbo ohun ti o wa ninu sanmọ, O si ma gbogbo ohun ti o wa ninu ilẹ, O mọ ohun ti ẹ nfi pamọ ninu awọn isẹ, O si mọ ohun ti ẹ nfi han, Allah si jẹ onimimọ si ohun ti o wa ninu igbaaya ni rere tabi aburu, nkankan ko pamọ fun Un nibi eleyi.

Se ko waa ba yin ni - ẹyin ẹlẹbọ - iro awọn ijọ opurọ siwaju yin; gẹgẹ bi ijọ Nuha, Haadi, samuudu ati ẹniti o yatọ si wọn, wọn tọ iya keferi ti wọn wa lori rẹ ni ile aye wo, iya inira si nbẹ fun wọn lọrun?! Bẹẹni, eleyi ti waaa ba yin, ki ẹ woye si ohun ti ọrọ wọn sẹri si; ki ẹ wa ronu piwada lọsi ọdọ Allah, ki ohun ti o sẹlẹ si wọn ma ba sẹlẹ si yin.

Iya ti o sẹlẹ si wọn yii sẹlẹ si wọn nitori awọn ojisẹ wọn ti o wa ba wọn lati ọdọ Allah pẹlu awọn ẹri ti o fi oju han ati awọn awijare ti o gbọngbọn, wọn wa sọ ni ẹniti o nse atako wipe ko yẹ ki awọn ojisẹ wa ni abara eeyan: se abara ni yoo maa tọ wa si oju ọna ododo?! Wọn se keferi, wọn si gunri kuro nibi igbagbọ si wọn, ko si ni Ọlọhun lara kankan, Allah si rọrọ kuro nibi igbagbọ wọn ati itẹle wọn nitori titẹle wọn ko le le nkankan kun fun Un, Allah jẹ abọrọ ti ko ni bukaata si ọdọ awọn ẹru Rẹ, ẹni ẹyin nibi ọrọ Rẹ ati awọn isẹ Rẹ nii se.

Awọn ti wọn se keferi si Allah lero wipe dajudaju Allah ko le gbe awọn dide ni alaaye lẹyin iku wọn, sọ - irẹ ojisẹ - fun awọn alatako ajinde yii: ko ri bẹẹ, mo fi Ọlọhun mi bura, wọn yoo gbe yin dide ni ọjọ igbende, lẹyin naa wọn yoo fun yin ni iro ohun ti ẹ se ni ile aye, igbedide yii jẹ ohun ti o rọrun fun Allah; paapaa o ti da yin ni igba akọkọ, o si lagbara lati gbe yin dide lẹyin iku yin ni alaaye fun isiro ati ẹsan.

Ki ẹ nigbagbọ - ẹyin eniyan - si Allah, ki ẹ si nigbagbọ si ojisẹ Rẹ, ki ẹ si nigbagbọ si Alukuraani ti a sọkalẹ fun ojisẹ Wa, Allah si jẹ olufunni niro ohun ti ẹ nse nisẹ, nkankan ko pamọ fun ninu awọn isẹ yin, yoo si pada san yin lẹsan le lori.

Si tun ranti - irẹ ojisẹ - ọjọ ti Allah yoo ko yin jọ fun ọjọ igbende, ki O le san yin lẹsan lori awọn isẹ yin, ọjọ yii ni ofo awọn keferi ati ẹdinku wọn yoo han, nigbati awọn olugbagbọ ododo yoo jogun awọn aaye ẹni ina ni ọgba idẹra, awọn ẹni ina naa yoo si jogun awọn aaye ẹni ọgba idẹra ninu ina, ẹniti o ba nigbagbọ si Allah, ti o si sisẹ rere, Allah yoo pa awọn asise rẹ rẹ, yoo si fi wọ si inu awọn ọgba idẹra, ti awọn akeremọdo nsan ni abẹ awọn orule rẹ ati awọn igi rẹ, ni ẹniti yoo ma gbe ibẹ gbere, wọn ko nii jade nibẹ, idẹkun rẹ ko si nii ja kuro fun wọn, eyiti ọwọ wọn tẹ yii ni erenjẹ ti o tobi, ti erenjẹ kankan ko sun mọ ọ.