الممتحنة

سورة (MADANIYYAH)

Iki awọn olugbagbọ ododo nilọ kuro nibi mimọ mu awon keferi lọrẹ.

Mo pe ẹyin ti ẹ nigbagbọ ninu Allah, ti wọn si se ohun ti wọn se lofin fun wọn, ẹ mase mu awọn ọta Mi ati awọn ọta yin ni aayo ọrẹ, ti ẹ o maa fi ẹmin sin fun wọn, ti ẹ o si nifẹ wọn, paapaa wọn ti se keferi si ohun ti o wa lati ọwọ ojisẹ yin ninu ẹsin, wọn mu ojisẹ naa jade kuro ni ile rẹ, wọn si mu yin jade kuro ni ile yin ni ilu Mekkah, wọn ko kiye si asunmọ yin tabi okun ibi, ko si nkankan ju pe ẹ nigbagbọ ninu Allah ọlọhun Ọba yin lọ, ẹ mase se eleyi ti o ba jasi wipe ẹ jade nitori igbiyanju si oju ọna Mi, ati nitori wiwa iyọnu Mi, ti ẹ o maa fi awọn iro awọn olugbafa pamọ si ọdọ wọn niti inifẹ si wọn, emi si mọ ju nipa ohun ti ẹ nfi pamọ ninu eleyi ati eyiti ti ẹ se afihan, nkankan ko pamọ fun mi nibẹ tabi nibi nkan miran, ẹniti o ba se ifọkan sin yii tabi ifẹ yii fun awọn keferi paapaa o ti yẹ kuro ni aarin gbungbun oju ọna, o si sọnu kuro nibi ododo, o si jinna si deedee.

Ti wọn ba ri yin mu, wọn yoo se afihan ohun ti wọn fi sinu ọkan wọn ni ọta, wọn yoo wa na ọwọ suta si yin ati iya, wọn yoo si tu ahọn wọn silẹ fun epe ati eebu, wọn yoo si maa rankan ki ẹ se keferi si Allah ati ojisẹ Rẹ, ki ẹ le baa da gẹgẹ bii wọn.

Isunmọ yin ko le se yin ni anfaani, bẹẹni awọn ọmọ yin naa ti ẹ ba fẹmin sin fun awọn keferi nitori wọn, ni ọjọ igbende ni Allah yoo se opinya laarin yin, yoo fi awọn ẹni ọgba idẹra sinu ọgba idẹra, awọn ẹni ina yoo si wọ ina, apakan yin ko le se anfaani fun apakan, Allah si jẹ ẹniti o riran ri ohun ti ẹ nse, nkankan ko pamọ fun Oun ti mimọ nbẹ fun ninu awọn isẹ yin, yoo si san yin lẹsan le lori.

Paapaa o ti wa fun yin - ẹyin olugbagbọ ododo - awokọse ti o dara ni ara Ibrahim ẹniti ọla nbẹ fun ati awọn olugbagbọ ododo ti wọn wa pẹlu rẹ, nigbati wọn sọ fun awọn ijọ wọn ti wọn jẹ keferi: awa ti tuwọ lọrọ yin ati ohun ti ẹ nsin yatọ si Allah ninu awọn oosa, a se keferi si ohun ti ẹ wa nibẹ ninu ẹsin, ọta ati ikorira si han laarin awa ati yin titi ẹ o fi nigbagbọ si Allah nikan soso, ti ẹ ko nii mu ẹnikankan pẹlu Rẹ, o di dandan fun yin ki ẹ tuwọ kuro lọdọ awọn ijọ yin keferi gẹgẹ bii wọn, ayaafi gbolohun Ibrahim ẹniti ọla nbẹ fun fun baba rẹ: paapaa maa beere aforijin fun ọ lati ọdọ Allah, ẹ ko gbọdọ kọse rẹ nibi eleyi; nitoripe dajudaju eleyi jẹ siwaju ki Ibrahim to jakan kuro lọdọ baba rẹ, ko si tọ fun olugbagbọ ododo kan ki o wa aforijin fun ẹlẹbọ, wọn kii se ẹniti yoo kọ di fun ọ kuro nibi iya Allah kankan, Ọlọhun wa, iwọ ni a gbarale nibi gbogbo alamọri wa patapata, ọdọ Rẹ ni a si sẹri si ni oluronu piwada, ọdọ Rẹ si tun ni ibusẹri si ni ọjọ igbende.

Ọlọhun wa masọ wa di idaamun fun awọn ti o se keferi pẹlu ki o fi wọn jẹ gaba le wa lori, ti wọn yoo wa maa sọpe: ti wọn ba wa lori ododo ni, wọn ko ba ti fi wọn jẹ gaba le wa lori, ki o si fi ori awọn ẹsẹ wa jin wa Ọlọhun wa, dajudaju Iwọ ni alagbara ti wọn kii bori, ọjọgbọn nibi isẹda Rẹ ati ofin Rẹ ati ipebubu Rẹ.