اللغة
سورة (MAKIYYAH)
Fifi adisọkan mimo Ọlọhun Ọba Allah lọkan rinlẹ, ati titako awọn isina awon elebo.
ٱلۡحَمۡدُ لِلَّهِ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَجَعَلَ ٱلظُّلُمَٰتِ وَٱلنُّورَۖ ثُمَّ ٱلَّذِينَ كَفَرُواْ بِرَبِّهِمۡ يَعۡدِلُونَ 1
Fifi iroyin ti o pe tan yan-an yan ati ẹyin pẹlu awọn iroyin ti o ga pelu ifẹ, ti rinlẹ fun Ọlọhun Ọba Allah ti O da sanmọ mejeeje ati ilẹ laisi apejuwe rẹ siwaju, O da oru ati ọsan ti wọn paarọ ara wọn, O da oru nitori okunkun, O si da ọsan nitori imọlẹ, pẹlu eleyi awọn eniyan tun nwa akẹgbẹ fun Un, wọn si nse ni orogun pẹlu Rẹ.
هُوَ ٱلَّذِي خَلَقَكُم مِّن طِينٖ ثُمَّ قَضَىٰٓ أَجَلٗاۖ وَأَجَلٞ مُّسَمًّى عِندَهُۥۖ ثُمَّ أَنتُمۡ تَمۡتَرُونَ 2
Oun ti mimọ nbẹ fun ni O da yin - ẹyin eniyan - lati inu abata nigbati O da baba yin Aadam ti ọla nbẹ fun, ninu rẹ, lẹyin igba naa ni O pebubu asiko ti ẹ o lo ni ile aye, O si tun pebubu asiko kan pato, ti ẹnikan ko mọ ayaafi Oun naa, nitori igbeyin dide ni ọjọ igbende, lẹyin igba yi ni ẹ tun npariwo nipa agbara rẹ lori igbende.
وَهُوَ ٱللَّهُ فِي ٱلسَّمَٰوَٰتِ وَفِي ٱلۡأَرۡضِ يَعۡلَمُ سِرَّكُمۡ وَجَهۡرَكُمۡ وَيَعۡلَمُ مَا تَكۡسِبُونَ 3
Oun ti mimọ nbẹ fun ni ijọsin tọsi ninu sanmọ ati ilẹ, nkankan ko pamọ fun Un, O mọ ohun ti o pamọ ninu awọn adisọkan ati awọn ọrọ, ati awọn isẹ, O si mọ ohun ti ẹ nse afihan rẹ ninu rẹ, yoo si san yin lẹsan le lori.
وَمَا تَأۡتِيهِم مِّنۡ ءَايَةٖ مِّنۡ ءَايَٰتِ رَبِّهِمۡ إِلَّا كَانُواْ عَنۡهَا مُعۡرِضِينَ 4
Ati eyi ti o waa ba awọn ọsẹbọ ninu awijare lati ọdọ Ọlọhun Ọba wọn bikose wipe o gbe ju silẹ laikaa kun, awijare ti o fi oju han ti waa ba wọn ati awọn ẹri ti o han, ti o si tọka si ijọkan soso Ọlọhun Ọba Allah, bakannaa ni awọn amin ti o tọka si ijẹ ododo awọn ojisẹ naa waa ba wọn, pẹlu eleyi wọn gunri kuro nibẹ ni ẹniti ko mu ni ere.
فَقَدۡ كَذَّبُواْ بِٱلۡحَقِّ لَمَّا جَآءَهُمۡ فَسَوۡفَ يَأۡتِيهِمۡ أَنۢبَٰٓؤُاْ مَا كَانُواْ بِهِۦ يَسۡتَهۡزِءُونَ 5
Ti wọn ba gunri kuro nibi awọn awijare ti o han, ati awọn ẹri ti o gban-an gban, paapaa julọ wọn ti gunri kuro nibi nkan ti o han ju lọ, wọn ti pe nkan ti Muhammad mu wa ninu Alukuraani ni irọ, wọn yoo si pada mọ wipe ohun ti wọn fi nse yẹyẹ ninu ohun ti o waa ba wọn, ododo ni o jẹ nigbati wọn ba ri iya ọjọ igbende.
أَلَمۡ يَرَوۡاْ كَمۡ أَهۡلَكۡنَا مِن قَبۡلِهِم مِّن قَرۡنٖ مَّكَّنَّٰهُمۡ فِي ٱلۡأَرۡضِ مَا لَمۡ نُمَكِّن لَّكُمۡ وَأَرۡسَلۡنَا ٱلسَّمَآءَ عَلَيۡهِم مِّدۡرَارٗا وَجَعَلۡنَا ٱلۡأَنۡهَٰرَ تَجۡرِي مِن تَحۡتِهِمۡ فَأَهۡلَكۡنَٰهُم بِذُنُوبِهِمۡ وَأَنشَأۡنَا مِنۢ بَعۡدِهِمۡ قَرۡنًا ءَاخَرِينَ 6
Se awọn keferi wọnyi ko mọ isesi Ọlọhun Ọba Allah nibi pipa awọn ijọ alabosi run? ! Ọlọhun Ọba Allah ti pa run awọn ijọ ti o siwaju wọn ninu awọn ijọ ti o pọ, ti o si jẹ wipe O fun wọn ni awọn okunfa agbara ati sisẹku ni ori ilẹ, eyiti ko fun awọn keferi yii, O sọ awọn ojo awọọda le wọn lori, O si mu odo san ni abẹ awọn ile wọn, wọn yapa asẹ Ọlọhun Ọba Allah, O si pa wọn run nitori ẹsẹ wọn, bakanna O si da awọn ijọ miran ni ẹyin wọn.
وَلَوۡ نَزَّلۡنَا عَلَيۡكَ كِتَٰبٗا فِي قِرۡطَاسٖ فَلَمَسُوهُ بِأَيۡدِيهِمۡ لَقَالَ ٱلَّذِينَ كَفَرُوٓاْ إِنۡ هَٰذَآ إِلَّا سِحۡرٞ مُّبِينٞ 7
Ti a ba sọkalẹ le ọ lori - ire ojise - iwe kan ti a kọ nkan si oju rẹ, ti wọn fi oju wọn rii, ti wọn si mọ amọdaju nipa rẹ pẹlu fifi ọwọ wọn mọ ohun ti nbẹ nibẹ; wọn koo ni tori rẹ gbaagbọ niti jija niyan ati sise ori kunkun, wọn ko ba sọ wipe: ohun ti o mu wa ko le jẹ nkankan ju idan ti o fi oju han lọ, a ko lee gbaa gbọ.
وَقَالُواْ لَوۡلَآ أُنزِلَ عَلَيۡهِ مَلَكٞۖ وَلَوۡ أَنزَلۡنَا مَلَكٗا لَّقُضِيَ ٱلۡأَمۡرُ ثُمَّ لَا يُنظَرُونَ 8
Awọn keferi wọnyi sọ wipe: ti Ọlọhun Ọba Allah ba sọ Malaika kan pẹlu Muhammad, ti o nba wa sọrọ, ti o si jẹri si wipe ojisẹ ni, a ko ba gbaa gbọ. Ti a ba sọ Malaika kalẹ, ni aworan nkan ti wọn fẹ, a ko ba pa wọn run ti wọn ko ba nigbagbọ, koda a ko nii lọ wọn lara fun ironu piwada nigbati o ba sọkalẹ.
Lilekoko orikunkun awọn keferi ati sise alaye itaku wọn lori keferi pẹlu wipe ẹri wa le wọn lori ati itọka ti o se fi ọwọ kan.
Rironu jinlẹ nipa isesi Ọlọhun Ọba Allah ti ọla Rẹ ga, lori awọn ẹni isaaju lati le mọ okunfa iparun wọn ati sisọra nibẹ.
Ninu ikẹ Ọlọhun Ọba Allah si awọn ẹru Rẹ ni ki o ma sọ Malaika kalẹ gẹgẹ bi ojisẹ nitori wipe wọn ko nii lọ wọn lara fun ironu piwada nigbati o ba sọkalẹ.