ص

سورة (MAKIYYAH)

Sisọ nipa ibara ẹni ja pẹlu ibajẹ ati igbẹyin rẹ.

(صٓۚ) (sọọdi) ọrọ ti gbawaju lori iran iru rẹ ninu awọn harafi elegige ni ibẹrẹ ọgba ọrọ bakọrah. Mo fi Alukuraani ti o kun fun iran awọn eniyan leti ohun ti yoo se wọn ni anfaani ni ile aye wọn ati ọrun wọn bura, ọrọ ko ri bi awọn ẹlẹbọ se nlero rẹ nipa bibẹ akẹgbẹ fun Allah.

Sugbọn awọn keferi wa ninu igbonara ati igberaga kuro nibi ọkansoso Allah ati nibi iyapa si Muhammad ti ikẹ ati ọla nbẹ fun ati ibaa sọta.

Melo ni a ti pa run siwaju wọn ninu awọn eniyan ọgọrun ọdun ti o ti re kọja lọ, ti wọn pe ojisẹ wọn nirọ, wọn wa npepe ni ẹniti o wa iranlọwọ nigbati iya sọ kalẹ le wọn lori, asiko naa kii se asiko ti wọn le la kuro nibi iya, ti wiwa iranlọwọ lọdọ rẹ yoo fi wa se wọn ni anfaani.

Wọn seemọ nigbati ojisẹ lati inu wọn wa ba wọn,. Ti o nfi iya Allah dẹru ba wọn ti wọn ba tẹsiwaju lori keferi wọn, awọn keferi sọ nigbati wọn fi oju ri awọn awijare lori ododo ti Muhammad ti ikẹ ati ọla nbẹ fun mu wa: arakunrin yii jẹ onidan ti o npidan fun awọn eniyan, o jẹ opurọ nibi ohun ti o npe apemọra rẹ wipe ojisẹ kan lati ọdọ Allah ti imisi nbẹ fun ni oun.

Se arakunrin yii fẹ sọ gbogbo awọn ọlọhun ti o ni onka yii di Ọlọhun ọkansoso ni, ti ko waa ni si ọlọhun miran yatọ si I?! Dajudaju ohun ti o se yii jẹ ogongo ninu eemọ.

Awọn abiyi wọn agbalagba inu wọn pẹyin da ni ẹniti wọn sọ fun awọn alawokọse wọn: ẹ maa tẹsiwaju lori ohun ti ẹ wa nibẹ, ẹ mase wọ inu ẹsin Muhammad, ẹ fi ẹsẹ rinlẹ lori ijọsin awọn ọlọhun yin, dajudaju ohun ti Muhammad npe yin si nipa sinsin Ọlọhun kan soso jẹ nkan agbelẹrọ, o ngbero lori rẹ lati ga le wa lori ni, ki awa si le jẹ ẹniti yoo maa tẹle e.

A ko gbọ ohun ti Muhammad npe wa sibẹ nipa ọkan soso Allah nibi ohun ti a ri awọn baba wa le lori, bẹẹni ko si ni oju ọna Isa ẹniti ọla nbẹ fun eyiti a gbọ lọdọ rẹ yii ko jẹ nkankan ayaafi irọ ati ahunjọ.

Se o tọ ki Alukuraani sọkalẹ fun un laarin wa, ki o si da yanri, ti ko wa sọkalẹ fun awa ti a jẹ adari ati agbalagba, bikosepe awọn ẹlẹbọ wọnyi wa ninu iyemeji nibi imisi ti o sọkalẹ fun ọ, wọn yoo si pada tọ iya Allah wo, wọn gba itanjẹ pẹlu lilọ wọn lara, ti wọn ba tọ ọ wo ni, wọn ko ba tun tẹsiwaju lori keferi ati ẹbọ si Allah ati sise iyemeji lori imisi ti a fi ran ọ.

Se pẹpẹ ọrọ Ọlọhun Ọba rẹ ti O lagbara ti ẹnikankan ko le bori Rẹ, ti O ma nfun ẹniti o ba wu U ni nkan ti o ba wu U wa lọdọ awọn ẹlẹbọ olupurọ yii ni, ninu awọn pẹpẹ ọrọ ọla Rẹ si ni jijẹ anọbi, O si ma nfun ẹniti o ba wu U, kii se ti wọn ti wọn yoo fi wa maa fi ta ẹniti wọn ba fẹ lọrẹ tabi kọ fun ẹniti wọn ba fẹ.

Tabi inikapa gbogbo sanmọ ati inikapa ilẹ ati inikapa ohun ti nbẹ ninu mejeeji jẹ ti wọn ni? Ti o fi wa lẹtọ ki wọn fun eeyan tabi ki wọn kọ? Ti o ba jase wipe eleyi ni ero wọn, ki wọn ya mu awọn okunfa ti o le mu wọn de sanmọ ki idajọ naa le rọ wọn lọrun bi wọn se nfẹ nipa kikọ ọ tabi fifun, wọn ko si lagbara eleyi.

Awọn ti o npe Muhammad ti ikẹ ati ọla nbẹ fun nirọ yii jẹ ọmọ ogun ti yoo fi idi rẹmi gẹgẹ bi awọn ti o siwaju wọn ninu awọn ọmọ ogun ti wọn pe awọn ojisẹ wọn nirọ.

Awọn opurọ yii kii se akọkọ oluparọ; paapaa wọn ti pe ijọ Nuha siwaju wọn nirọ, wọn si pe haadi nirọ, fir'aona ti o ni eekan ti o fi nfi iya jẹ eniyan naa parọ.

Ijọ samudu naa parọ, ijọ Luuth naa parọ, bẹẹni ijọ Shuaibu naa parọ, awọn wọnyi ni awọn ijọ ti wọn nkojọ lori pipe awọn ojisẹ wọn nirọ ati sise keferi si ohun ti wọn mu wa.

Ko si ẹnikankan ninu awọn ijọ yii ayaafi ki pipe ojisẹ wọn nirọ sẹlẹ lati ọdọ wọn, iya Allah wa tọ fun wọn, bẹẹni ijiya Rẹ naa si sọkalẹ le wọn lori, koda bi wọn lọ wọn lara fun asiko diẹ.

Awọn olupe Muhammad ti ikẹ ati ọla nbẹ fun nirọ yii ko reti nkankan ju ki wọn fan fere lọ ni fere ẹlẹẹkeji eyiti ko si isẹripada nibẹ, ki iya wa sẹlẹ le wọn lori lori irọ pipa wọn.

Wọn nsọ niti ifinise yẹyẹ: irẹ Ọlọhun wa, kanju fun wa ni diẹ ninu iya naa ni isẹmin aye ki o too di ọjọ igbende.