اللغة
سورة (MAKIYYAH)
Imu ijosin Ọlọhun Ọba to ga wa si imusẹ, fun Allah nikan soso
Wọn pe Suurah yii ni Suuratul-Faatihah nitori wipe tira Ọlọhun Ọba (Allah) bẹrẹ pẹlu rẹ, wọn si maa npe ni iya Alukuraani nitoripe o ko gbogbo awọn akole ọrọ rẹ sinu ninu mimọ Ọlọrun ni ọkan, ijọsin, ati awọn ohun ti o yatọ sii, o si jẹ suura ti o tobi julọ ninu Alukuraani (iwe Ọlọhun Ọba alapọnle) ohun naa si ni “As-sab’u-Al-mathaani’ (ọgba ọrọ meje)
بِسۡمِ ٱللَّهِ ٱلرَّحۡمَٰنِ ٱلرَّحِيمِ 1
Mo bẹrẹ kika Alukuraani ni wiwa iranlọwọ pẹlu Ọlọhun Ọba ti ọla Rẹ ga ni wiwa alubarika pẹlu dida orukọ Rẹ; paapa gbolohun bismillahi mẹta ninu awọn orukọ Ọlọhun Ọba to ga sinu, awọn naa ni wọnyii:- 1. Allah: Ti o tumọ si ẹniti o yẹ ki a se ijọsin fun ni ti ododo, orukọ yii si jẹ ẹsa julọ ninu orukọ Ọlọhun Ọba ti ọla Rẹ ga, ti a ko si le fi pe ẹlomiran ti o yatọ siI, mimọ fun Ọlọhun Ọba naa. 2. Ar-Rahman:- Eyi ti o tumọ si ẹniti o ni ikẹ ti o gba aaye, o si jẹ onikẹ fun ara Rẹ 3. Ar-Raheem:- Eyi ti o tumọ si ẹniti oni ikẹ adapọ, osi maa nkẹ ẹniti o ba fẹ ninu awọn ẹda Rẹ pẹlu ikẹ Rẹ, ninu wọn ni awọn olugba Ọlọhun Ọba gbọ ni ododo ninu awọn ẹrusin Rẹ
ٱلۡحَمۡدُ لِلَّهِ رَبِّ ٱلۡعَٰلَمِينَ 2
Ẹyin ti o pe, ati gbo iran Ọpẹ ninu awọn iroyin ti o gbọngbọn ati pipe fun Allah nikan soso ti ko tọsi ohun ti o yatọ siI; nigbati o jẹpe Oun ni Ọba gbogbo nkan ati Oluda rẹ ati Oludari rẹ. Aalamuna si jẹ akojọpọ aalam, awọn naa ni gbogbo ohun ti o ba yatọ si Allah ti ọla Rẹ ga.
ٱلرَّحۡمَٰنِ ٱلرَّحِيمِ 3
Ẹyin fun Ọlọhun Ọba (ti ọla Rẹ ga) lẹyin idupẹ fun ninu ẹsẹ ọrọ ti o siwaju
مَٰلِكِ يَوۡمِ ٱلدِّينِ 4
Gbigbe titobi fun Ọlọhun Ọba (ti ọla Rẹ ga) , pẹlu wipe Oun ni ẹniti o ni gbogbo nkan ti nbẹ ni ọjọ iduro, ni eyi ti o jẹ wipe ẹmi kan ki yoo ni ikapa kankan fun ẹmi miran, gbolohun (يوم الدين) ni o tumọ si ọjọ ẹsan ati ọjọ isiro isẹ
إِيَّاكَ نَعۡبُدُ وَإِيَّاكَ نَسۡتَعِينُ 5
Iwọ nikan soso ni a o fi gbogbo oniranran ijọsin ati itẹle fun, a o si ni mu ẹlomiran ti o yatọ si Ọ ni orogun pẹlu rẹ, ọdọ Rẹ nikan soso ni a o si ti maa wa iranlọwọ nibi gbogbo isesi wa, ọwọ Rẹ nikan ni gbogbo oore wa bakanaa ko si oluranlọwọ kankan lẹyin Rẹ.
ٱهۡدِنَا ٱلصِّرَٰطَ ٱلۡمُسۡتَقِيمَ 6
Tọ wa si oju ọna ti o tọ, ki O si fi wa tọọ, ki O si fi ẹsẹ wa rinlẹ ni ori rẹ, ki O si lewa kun ni imọna, ẹ ko ri gbolohun (الصراط المستقيم) ohun ni oju ọna ti o mọlẹ, ti ko si ni ibi kankan ti o gbun, oju ọna naa ni Al-islam, eyiti Ọlọhun fi ran Muhammad (Ki Ọlọhun bawa se ikẹ ati igẹ fun) .
صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ 7
Oju ọna awọn ti O pe ikẹ Rẹ le wọn lori, ninu awọn ẹrusin Rẹ pẹlu fifi wọn mọ ọna, gẹgẹ bi awọn anọbi ati awọn olododo ti wọn ku si oju ọna Ọlọhun ati awọn ẹniire, awọn wọnyi ni wọn daa ni olubarin, yatọ si oju ọna awọn ti O binu si, ti wọn mọọ ododo, ti wọn ko si tẹle gẹgẹ bi awọn Yahuudi, ti kii se oju ọna awọn ti o sọnu kuro nibi ododo, awọn ti wọn ko mọ ọna de ọdọ Ọlohun nitori ise aito wọn nibi wiwa ododo ati imọna lọ si ọdọ Rẹ gẹgẹ bi awọn Nasaara
Ọlọhun Ọba (ti ọla Rẹ ga) bẹrẹ tira Rẹ pẹlu dida orukọ Ọlọhun lati le ba tọ awọn ẹru Rẹ si ọna nibi ki wọn maa bẹrẹ awọn isẹ wọn ati awọn ọrọ wọn pẹlu orukọ Ọlohun niti wiwa iranlọwọ Rẹ ati ifini se kongẹ Rẹ
Ninu ilana awọn ẹrusin Ọlọhun ti wọn jẹ ẹniire nibi adua sise ni bibẹrẹ pẹlu sise titobi Ọlọhun, ati sise ẹyin fun Oba ti mimọ nbe fun, lẹyin waa gba naa ni a to le bere sini beere.
Ikilọ fun awọn Musulumi nibi kikuro nibi sise aito nibi mi maa wa ododo gẹgẹbi awọn Nasaara ti wọn jẹ ẹni anu, ati kikuro nibi ailo ododo ti wọn mọ gẹgẹ bi awọn Yahuudi, ti wọn jẹ ẹni ti Ọlọhun ti binu si.
Sura yii ntọka si pe igbagbọ ti o pe yoo maa sẹlẹ pẹlu sise afọmọ ijọsin fun Ọlọhun Ọba (ti ọla rẹ ga) ati mimaa waa iranlọwọ lọdọ Rẹ ni Oun nikan soso laisi ni waa lọdọ ẹlomiran ti o yatọ siI.